Хочу продать квартиру. Ипотека можно ли продать квартиру быстро. Можно продать долю в квартире. В каком банке брать ипотеку. Стоит ли брать ипотеку сегодня. На какой срок брать ипотеку. Утепление стен своими руками. Быстрое утепление стен пенопластом своими руками. Технология утепления стен. Ремонт видеокарты ноутбука. Быстрый ремонт видеокарты своими руками. Сколько стоит ремонт видеокарты. В каком банке взять автокредит. Где выгоднее взять автокредит без проблем. Бесплатный сервер wow. Рейтинг серверов wow сайт. Сервера wow mangos. Чертежи самодельных станков. Скачать чертежи станков для холодной ковки. Сверлильный станок чертеж. Договор аренды квартиры. Стоимость аренды квартиры в Москве. Снять в аренду квартиру.

 

 

Гәзит югала, кем җаваплы?

“Өмет” гәзите редакциясе гәзитне дөньяга тудыра, ә инде аның сезгә барып ирешүенә тулысы белән ПОЧТА хезмәте җаваплы.

Почта элемтәсе бүлекчәләрендә чираттагы “урак өсте” – 2018 елның беренче яртыеллыгына гәзит-журналларга язылу кыза бара. Матбугат басмаларына язылу хакы арзан түгел, шуңа карамастан, гәзит-журналлар алдырган гаиләләр республикада бихисап. Ләкин... Әнә шул хәләл акчаңа яраткан гәзитеңә язылып та, әгәр ул үз вакытында килмәсә, нишләргә? Монда кемне гаепләргә?

Соңгы чорда редакция телефонына шикаять белән шалтыратулар ешайды. Укучыларыбыз: “Нигә безгә “Өмет” китермиләр?” дип зарлана. Мәсәлән, Баймак районының Колчора авылында яшәүче күптәнге укучыбыз Вәкилә Чыңгызовага “Өмет”нең 36 нчы һәм 38 нче саннары килмәгән икән. Вәкилә килмәгән гәзит номерларын сорап мөрәҗәгать иткәч, почта хезмәткәре Фәйрүзә Янгулова: “Гәзитне Баймактан җибәрмиләр”, дип җавап биргән. Хәлгә ачыклык кертү максаты белән без Баймак почтамтына шалтыраттык.
Баймак почтамтының страховкалау участогы начальнигы Зәйтүнә Корбан кызы Мортазина әйтүенчә, Вәкилә ханым белән проблема инде хәл ителгән, килми калган ике номер да Уфадан кайтарып тапшырылган. “Бездә гәзитләрнең гаиләгә барып җитмәү проблемасы бик сирәк очрый, менә монысы шуларның берсе булды, башкача мондый хәлләр кабатланмас дип ышандыра алабыз”, – диде Зәйтүнә ханым сөйләшү вакытында.
Икенче шалтырату Салават районының Шәрип авылыннан яңгырады. “Өмет”не озак еллар дәвамында алдыручы Фәния апа Әхмәтҗанова икән. “Балалар, әллә бу кризис белән бәйле, бик авыр хәлдә калдыгызмы, кайчандыр “Атна” гәзите туктап калган кебек, сез дә чыгудан туктадыгызмы? Сентябрь буена яраткан “Өмет”емне укый алмыйм бит”, – диде ул.
Фәния апага “Өмет”нең дәүләт гәзите булуы, үз вакытында чыгып килүе, ә инде аны вакытында таратуның почта хезмәткәрләре җаваплылыгында булуы хакында аңлатабыз. “Безнең почта бүлекчәсе Мишегәрдә. Анда шалтыраткан идем, “Өмет” Уфадан ук килми, редакциядән сорагыз әнә, диделәр. Аптырап сезгә шалтыратуым инде, – ди ул.
Мишегәр почта бүлекчәсенә шалтыратабыз. Трубканы бүлекчә начальнигы Гүзәл Шәүкать кызы Мөхәмәтьярова алды. Хәлне сөйләп бирәбез, Гүзәл ханым барысын да ачыклап, проблеманы тиз арада хәл итәргә вәгъдә бирә, редакция номерына гына риза булмый, минем кәрәзле телефон номерын сорап ала. “Җавапны тиз вакыт эчендә бирермен” дип вәгъдә бирде ул. Һәм... шул көйгә югалды да.
Атна буена Гүзәл ханымнан көтеп-көтеп тә җавап ала алмагач, без Мәсәгүт почтамты начальнигы (Салават районы анда карый) Наталья Ивановна Ковинага шалтыратырга булдык. Наталья Ивановна җаваплы кеше икән: килеп туган проблема турында кичтән сөйләшкән булсак, икенче көнне иртәнге сәгать тугызда ук үзе шалтыратты.
– Хәлләрне ачыкладык, бар проблема системага яңа программа кертелүе белән бәйле икән, – диде ул. – Хәзер бездә таяныч пунклары юк дияргә мөмкин. Шуңа күрә басмалар гомум почта элемтәсе бүлегенә киләләр, аннан авылларга таратылалар. Кайсыбер кечкенә авыллар исә почта бүлекчәләреннән өчәр-бишәр чакрым ераклыкта урнашкан, анда хат ташучылар көн саен барып йөри алмый, транспорт булуга бәйле, гәзитләр 1–2 көн соңлау белән барып җитәргә мөмкин. Моны почта элемтә бүлекләренең генә түгел, ә гомум алганда, бар почтамтның гомум бәласе дияргә мөмкин...
Наталья Ивановна Шәрип авылында яшәүче Фәния апа белән бәйләнешкә керергә һәм гәзит китерү белән бәйле проблеманы хәл итәргә сүз бирде.
Әлбәттә, Русия почтасы өлкәсендә соңгы елларда үзгәртеп корулар барды, ул реформалар бүген дә дәвам итә. Ләкин һәрвакытта да үзгәрешләр яхшы якка табамы икән соң? Әлбәттә, үзгәрешләрнең яхшы яклары да бардыр. Ләкин без, редакция хезмәткәрләре, һич икеләнүсез әйтә алабыз: почтадагы зур үзгәрешләр редакцияләргә дә, безнең укучыларыбыз өчен дә яхшыга булмады кебек. Почта хезмәте, халыкка башка мең төр хезмәт күрсәтүләрне үз җилкәсенә өя-өя, инде үзенең төп бурычына – матбугатка яздыруга – салкын карый башлады кебек. Әллә без ялгышабызмы?
Кызганычка каршы, ялгышмыйбыз шул. Гәзит укучыларыбыздан шалтыратулар ешаюы– моңа ачык мисал. Ә гәзит укучыларның “гәзит вакытында килми” дип зарлануына хат ташучыларның гына түгел, хәтта почта бүлекчәләре начальник-
ларының да: “Өмет” гәзите вакытында чыкмый, шуңа килми”, дип, исләре китми генә җавап бирүен ничек аңларга? Гәзит укучы бер көн килеп “Өмет”нең чыкмавына да ышана башларга мөмкин бит, әгәр дә моны авылда элек-электән ышаныч яулаган почта хезмәткәре әйтә икән... Хәер, ышанмаса да: “Барыбер вакытында китермиләр, нигә акча әрәм итеп язылам инде“, дип язылмый башларга да мөмкин ул. Менә нәрсәгә китерүе бар гәзитнең вакытында китерелмәү проблемасы! Нәтиҗәдә, почта әкренләп үзенең клиентларыннан колак кага, ә кечкенә авылда матур яшәп, зур дөньяда ниләр булуын белергә, тормыштан артка калмаска теләгән гади авыл кешесе – үзен республика, власть белән турыдан-туры бәйләп торучы республика гәзитеннән аерыла... Күпмегә барыр бу җавапсызлык?
Бүген матбугатка язылуның кызган мәле дидек. Кызганычка каршы, нәкъ менә шушы җаваплы мәлдә гәзитләрнең үз вакытында таратылмавы, кайчак хәтта бөтенләй югалуы гадәти хәлгә әверелеп бара. Бу проблема бик тә актуаль һәм ул кичектергесез хәл итүне таләп итә. Шуңа да, хөрмәтле гәзит укучыларыбыз, сезне тагын бер кабат искәртәсебез килә: “Өмет” гәзите редакциясе гәзитне дөньяга тудыра, ә инде аның сезгә барып ирешүенә тулысы белән ПОЧТА хезмәте җаваплы. Гәзиткә язылу хакының яртысыннан да күбрәк өлеше Русия почтасы хезмәт-
ләренә китә. Димәк, әгәр сезгә гәзитне вакытында китермиләр, яисә ул озакка “югала” икән, редакциягә шалтыратырдан элек, үзегезнең почта бүлегенә (анда хәл итмиләр икән, район почтамтына) мөрәҗәгать итәргә киңәш итәбез. Үз эшенә намус белән караганнар мәсьәләне тиз арада хәл итәрләр дигән ышанычта калабыз. Әгәр аларның да кулыннан килми икән, бу очракта инде безгә, редакция хезмәткәрләренә, мәсьәләгә ачыклык кертергә туры киләчәк. Шулай ук безнең Уфа почтамты җитәкчелеге белән дә бәйләнеш яхшы куелган: бу уңайдан почтамт начальнигы Ирек Миңневәли улы Галимов, гәзит китерү белән бәйле проблема килеп туса, шунда ук үзләренә хәбәр итәргә куша. Болай иткәндә инде район һәм шәһәр почтамтлары һәм авыл почта бүлекчәсе начальникларына таякның авыр башы төшәчәк. Чөнки, басмаларның укучыларга вакытында китерелмәве – алар намусында!
Кадерле дуслар! Әгәр вакытында “Өмет” гәзитен китермиләр икән, “Русия почтасы”ның кайнар линиясенә шалтырата аласыз: 8-800-2005-888.
БР буенча федераль почта хезмәте идарәсенең
телефоны: 276-66-44.

Гөлара Арсланова.

Ник футбол уйный белмибез?

Русия футбол сөючеләре яхшы уеннар карап ләззәтләнде. Безнең җыелма команда гына, һәрвакыттагыча, сөендерә алмады. Соңгы Европа чемпионатының җиңүчесе булган Португалия командасын җиңә алырыбызга беркем дә ышанмагандыр. Ә Мексика командасы белән көч сынашырга мөмкин иде. Аларны җиңсәк үзебезнең группадан булса да чыга ала идек. Әмма Русия командасы мексикалыларга 1:2 исәбе белән оттырды. Беренче минутлардан ук безнең футболчылар һөҗүмгә кереште.

Тулысынча:Ник футбол уйный белмибез?

Югары белем артык кыйммәткә төшмиме?

 

Башкортстан югары уку йортларында кабул итү комиссияләре эшли. Әйткәндәй, киләсе уку елыннан республика югары уку йортларында коммерция нигезендә белем алу артачак, дип белдергән Башкортстан Республикасы югары уку йортлары ректорлары советы рәисе, М.Акмулла исемендәге БДПУ ректоры Раил Әсәдуллин. Сәбәбе – РФ Фән һәм мәгариф министрлыгы тарафыннан законлаштырылган аерым нормативлар.

Тулысынча:Югары белем артык  кыйммәткә төшмиме?

Ничарадан бичара

Яки баласызлыкка салым кертеп илдә демографик хәлне яхшырту мөмкинме?

Русия депутатлары илдә демографияне яхшыртуның яңадан-яңа юлларын эзли. Ә ничек яхшыртырга соң? Әлбәттә, ким дигәндә өч бала табарга! Ә сабыең берәү генә булса? Яки бөтенләй булмаса? Ул вакытта, рәхим итеп, салым түлә. Эш шунда – Русиядә күп балалы гаиләләр файдасына аз балалы яки баласыз гаиләләрдән салым түләтергә тәкъдим итәләр. Бу идея барча халыкны шок хәлендә калдырды.

Тулысынча:Ничарадан бичара 

Елга-күлләребез кысырмы әллә?

Яки республикада балыкчылык тармагын үстерүгә нәрсә комачаулый?

Башкортстанда балыкчылыкны үстерүгә 2017 елдан дәүләт ярдәме күрсәтелә башлаячак. Әлеге максатларга республика казнасыннан 25 миллион сум акча бүленә. Балыкчылык тармагына шундый зур күләмдә ярдәм беренче тапкыр бирелә. Әмма бер тапкыр бирелгән ярдәм генә үсешкә китерә алырмы?

Тулысынча:Елга-күлләребез  кысырмы әллә?

 Безнең партнерлар

   

Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>