Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Юл йөрү кагыйдәләренә 8 декабрьдә тагын яңа үзгәрешләр өстәлде. Шушы көннән алып “шипы” билгесе кую таләп булып тормый.
Әлеге билге куелмаган очракта 500 сум күләмендә штраф түләргә туры килә иде. Әлеге өстәмәләрдә авария булган очракта нәрсә эшләргә кирәклеге хакында ачыклабрак аңлатып бирелә. Әгәр дә авария вакытында тән җәрәхәтләре алучылар һәм китерелгән зыян зур булмаса, водительләр машиналарның ничек торышын фотога яки видеоязмага төшереп транспортларын юл читенә чыгарырга тиешләр. Кем гаепле икәнлеге бәхәс тудырмаса, инспектор чакырмыйча гына да мәсьәләне үзара хәл итә алалар. Зур зыян булганда яки кешенең гаепле булуы бәхәс тудырганда мотлак рәвештә ЮХХДИ идарәсенә мөрәҗәгать итәргә кирәк. ОСАГО полисын электрон рәвештә генә сатып алучылар күбәйгән. Күпләр мин электрон рәвештә түләдем дип тыныч кына йөри бирә һәм штраф түләргә мәҗбүр була. Электрон рәвештә полис сатып алсагыз да аның кәгазь күчермәсен үзегез белән йөртү таләп булып тора.
Инвалид водительләргә дә үзгәрешләр һәм кайбер ташламалар кабул ителде. Физик мөмкинлекләре чикләнгән кешеләргә медицина-экспертиза комиссиясе шәхси билгеләр тапшыра башлады. Анда кешенең исем шәрифләре, инвалидлык группасы, билгенең махсус номеры һәм кайчанга чаклы бирелүе хакында мәгълүмат тупланган. Шулай ук “Стоянка запрещена”, “Стоянка запрещена по четным и нечетным числам” дигән билгеләр хәзер III группа инвалидларына да өстенлек бирә. Әлегә кадәр I һәм II группа инвалидларына гына бу кагыйдәне үтәмәскә рөхсәт ителә иде.
Ә “Движение запрещено” (кирпеч дибез) билгесен үтәмәү бары I һәм II группа инвалидларына, инвалид баланы йөртүчеләргә генә рөхсәт ителә. Юл йөрү кагыйдәләре еш кына үзгәреп тора. Берсенә күнегеп бетмибез, икенчеләре дөнья күрә. Шуңа күрә дә юл йөргәндә авыр хәлдә калмас, бәла-казага очрамас өчен һәрчак алар белән танышып барыгыз. Хәвеф-хәтәрсез, яңа елларда исән яңа юлларда йөрергә язсын.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Үткән елның 4 маеннан автомобильләрне тикшерү яңа регламент буенча үтәлә башлады. Берничә ел элек техник тикшерү юл инспекциясеннән алынып шәхси кулларга тапшырылды. Аларның кайберләре бу эшкә зур җаваплылык белән тотынды, ә кайсылары, өстән-өстән тиз генә тикшерү үткәргән булып, күбрәк керем алу ягын кайгыртты. Өченчеләре бөтенләй берни дә тикшереп тормый гына акча ала башладылар. Нәтиҗәдә, юлларда начар техник халәттәге транспорт арта башлады. Тиешле рәвештә техник тикшерү узмаган автобуслар белән бәйле авария очраклары артуы да күзәтелде. Яңа регламент буенча техник тикшерү үзәге операторлары хәвефсезлек нормаларына тап килмәгән автомобиль хуҗасына диагностика картасын, барлык җитешсезлекләрне күрсәтеп бирергә тиеш. Хәвефле транспорт чарасын кулланырга рөхсәт биргән өчен оператор җаваплы булачак.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Русия хөкүмәте чит ил паспорты һәм водитель таныклыгына дәүләт пошлинасы хакын арттыру турындагы закон проектын хуплады. Үткән елның 1 июленә кадәр водитель таныклыгы алыр өчен 2 мең сум түләргә кирәк иде, хәзер инде 3 мең сум чыгарып салырга кирәк. Өстәвенә, автомобильгә дәүләт теркәве үткәргәндә түли торган пошлина күләме дә артты. Хәзер 800 сум урынына 1500 сум түләргә кирәк булачак.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Үткән елның 18 мартыннан юл хәрәкәте кагыйдәләренә кертелгән үзгәрешләргә ярашлы, водительләр шәһәр һәм авыллардан читтә тәүлекнең караңгы вакытында мәҗбүри туктаган, я булмаса күрү мөмкинлеге чикләнгән (томан) шартларда юлда яки юл читендә туктап торган очракта яктылык кайтаручы куртка яки жилет кияргә тиеш. 2014 елда әлеге үзгәрешләр җәяүлеләргә карата кертелгән иде. Бу таләпләрне үтәмәгәннәргә 1000 сум күләмендә штраф салына башлады. Әлегә водительләргә штраф салу каралмаган. Әмма җәяүлеләргә кулланган кагыйдәне водительләргә карата да кулланып була. Шул ук вакытта машина ватылып, мәҗбүри туктарга туры килгән очракта инспекторлар штраф салырга тиеш түгел. Бу беренче чиратта үзебезнең иминлек өчен. 2017 елда 266 водитель юл читендә торганда машина астында калып һәлак булган. Кайбер водительләрнең жилет сатып алып багажникка салып куйганнарын күргәнем бар. Жилетны машина эчендә тоту мөһим. Чөнки караңгы вакытта мәҗбүри яки йомыш буенча туктарга туры килсә, аны машинадан төшкән вакытта ук киеп чыгарга кирәк.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Гыйнвар азагында Федераль сак хезмәте ил җитәкчеләрен хезмәтләндерү өчен махсус җитештерелгән “Кортеж” автомобилен киң җәмәгатьчелеккә күрсәтте. Дәүләт һәм Хөкүмәт җитәкчеләрен нәкъ әлеге хезмәт саклый, шуның өчен мондый билгеләнештәге автомобильләр иң беренче алар гаражына китерелә һәм анда өстәмә сынаулар үткәрелә. Бу күптәннән көтелгән автомобиль иде. Чөнки һәрбер ил башлыгы үз илендә җитештерелгән машинада йөрүне кулай күрә. Чит илгә эш сәфәре вакытында ил җитәкчелеге – махсус иминлек чаралары кулланып җитештерелгән “Зил” автомобильләрендә, Хөкүмәт әгъзалары һәм министрлар “Чайка”ларда йөрде. Аларны җитештерү туктагач, безнең ил җитәкчелеге чит ил машиналарына күчеп утырган иде.