Укытучы булу җиңелме?

Заманча укыту, заманча технологияләр дибез. Укытуда яңа алымнар эзлибез. Заманасы үзгәргәч, алары да үзгәрә, һичшиксез. Укытучының беренче бурычы булып, шушы таләпләргә җавап бирерлек, көндәшлеккә сәләтле шәхес тәрбияләү тора.

Бу сорауга төгәл һәм бертөрле җавап биреп булмыйдыр.

Тулысынча:Укытучы булу      җиңелме? 

Мәктәп лабораториясеннән – фәнгә

6 сыйныф укучылары җәйге каникул чорында лаборатор эш башкаралар. Ул үсемлекләрнең чәчәкләрен һәм җимешләрен җыюдан гыйбарәт.

“Миңа әйт – онытачакмын, күрсәт – исемдә калыр, җәлеп ит – мин аңлаячакмын!“ дигән юллар минем эшемнең девизы булып тора. Уйлавымча, укучылар үз куллары белән тотып эшләсәләр, алган мәгълүмат хәтерләрендә тирәнрәк урнаша. Шуңа күрә һәр дәрестә шуңа тиешле шартлар тудырырга кирәк. Үз чиратында бу эш “Чәчәкле үсемлекләрнең күпкырлы-
лыгы“ дигән проектның башлангычы булып тора. Һәр елны 6 сыйныф укучылары белән башкарган “Үсемлек орлыкларының шытымы һәм аларны чәчү” дигән практик эшебез дә уңай нәтиҗәләр бирә. Орлыкларны төрле җирдә үстереп карадык. Нәтиҗә шундый: минераль суда алар яхшырак үсә, ә фанта, кока-кола кебек газлы суларда үсеш бөтенләе белән туктый.

Тулысынча: Мәктәп лабораториясеннән – фәнгә

Җиңү алып кайттык

18-21 апрельдә Казан шәһәрендә татар теле һәм әдәбияты буенча V Халыкара олимпиада үтте. Аның финал өлешендә 500дән артык кеше катнашты.

Алар Татарстан районнарыннан, Русиянең 25 төбәгеннән һәм 13 чит илдән җыелды. Бу зур ярышта Башкортстан данын Бүздәк, Туймазы, Краснокама районы укучылары яклады.
Олимпиада 2 өлештән торды: беренче тур – татар теле һәм әдәбияты, Татарстан тарихы буенча сораулардан торган язма эш булса, икенчесе иҗади тур иде.
Иҗади тур туган җирең, үзең белән таныштыру һәм презентациядән, төрле яклап сәләтеңне күрсәтүдән торды. Барлык укучылар татар теле һәм әдәбияты буенча үзләренең иң белемле булуларын күрсәтергә тырыштылар.
Олимпиада барышында күп төрле чаралар оештырылды. Арча районы Кырлай авылында Габдулла Тукайга багышланган мемориаль комплекста булу, Тукайның шәхси әйберләре белән танышу онытылмас тәэссоратлар калдырды. Казан буйлап сәяхәт, Г.Камал театрында И.Юзеевның «Ак калфагым төшердем кулдан” спектаклен карау, “Сәләт”, “Акыл фабрикасы” яшьләре белән очрашу бик кызыклы һәм фәһемле булды.

Тулысынча:Җиңү  алып кайттык

Мең серле галәм чакыра!

 Дуслар, сезнең арада космонавт булырга хыялланган малайлар яки кызлар бармы әле?  Никтер “Юк!” диярсез кебек...

 

Шулай бервакыт әти кеше үзенең улына Ай, йолдызлар, кыю йөрәкле космонавтларның анда очуы турында бик мавыктыргыч итеп сөйли икән. Малай тыңлый, ди. Шуннан  әти кеше улыннан: “Улым, синең Айга очасың киләме?” – дип сорап куйган.  Малай ялганлап тормаган: “Очканнар, очсыннар!” – дигән ваемсыз гына.

Тулысынча: Мең серле галәм чакыра!

Безнең кызлар

Яшь башкортстанлыларның, Русия күләмендә уздырылган бәйгеләрдә катнашып, матур уңышларга ирешүе безгә канатлар куя. Өметле яшьләрнең уңышлары киләчәккә ышанычны арттыра. Күптән түгел генә тагын бер кызыбызның матур чыгышына шаһит булдык. Нефтекамада туып-үскән 16 яшьлек Кристина Фарафонова, НТВ каналында «Ты супер!» телевизион программасында чыгыш ясап, жюрины хәйран калдырды. Кристина җырлый башлауга ук, жюри бер-бер артлы “Әйе!” дип тавышларын бирделәр.

Кристина, «Не родись красивой» киносындагы героиня Катя  образында чыгып, фильмдагы төп җырны җырлады.

Жюри аның җырлавы  белән бергә актерлык осталыгын да бәяләде. Кыз сәхнәгә алып чыккан образ экспертларның да,  тамашачыларның да күңеленә хуш килде. Хәзер Кристина алда торган ярышларга әзерләнә.  Икенче турга 57 конкурсант үтте. Алар арасында Нөгештән 13 яшьлек Иван Южаков та бар.

Ә Кристинага килгәндә, проектның рәсми сайтында аның картәнисе белән яшәве турында языла. Ул кызны туганнан ук  тәрбияли. Әнисе вафат булгач, опекага алган. Кристина биш яшьтән бии, йөзү белән шөгыльләнә.

Әлеге вакытта музыка мәктәбендә гитара классында укый, балалар иҗатын үстерү үзәгендә җырлау  осталыгын камилләштерә. Җыр Кристинаның төп шөгыле булып тора.

“Чаткы-инфо”.

 

 Безнең партнерлар

  

Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>